काठमाण्डौं 

असोज ७ गते,

          आजदेखि मिथिलाञ्चलमा जितिया पर्वको शुभारम्भ भएको छ। यो पर्व विशेषगरी मिथिला क्षेत्रका महिलाहरूले आफ्नो सन्तानको दीर्घायु, सु-स्वास्थ्य र कल्याणका  लागि मनाउने गर्दछन । जितिया पर्वले  मैथिली, थारु र भोजपुरी समुदायमा विशेष महत्त्व राख्दछ|

जितिया पर्वमा महिलाहरू निराहार व्रत बस्छन् र आफ्नो सन्तानको सुख र समृद्धिका लागि प्रार्थना गर्छन्। यो व्रत तीन दिनसम्म मनाइन्छ। पहिलो दिन, "नहाय-खाय"मा महिलाहरू पवित्र जलमा स्नान गरेर शुद्ध भोजन ग्रहण गर्छन्। दोस्रो दिन, "खुर-खुर"मा व्रतालु महिलाहरू अन्नपान त्यागेर निराहार व्रत बस्छन्। तेस्रो दिन "पारन"मा फलफूल, मिठाइ र अन्य शाकाहारी भोजन खाएर व्रत समापन गरिन्छ ।

लोक गीत र नृत्यले जितिया पर्वको रमाइलो र सांस्कृतिक विशेषतामा थप गर्दछ। यसले समुदायका सदस्यहरूबीचको एकता र भाइचारा बढाउँछ। साथै, यो पर्व नयाँ पुस्तामा संस्कृति र परम्परा सँग जोड्ने एक माध्यम पनि हो। यो पर्वले माता-पिताको सन्तानप्रतिको प्रेम र त्यागलाई महत्त्वपूर्ण रूपमा प्रस्तुत गर्दछ।

          मधेश प्रदेशको केही स्थानिय तहले सार्वजनिक बिदा पनि दिएको छ ।

                                               मेयारसाप डट कमको तर्फबाट सम्पूर्णमा जितिया पर्वको शुभकामना !