काठमाडौँ 
कार्तिक २१ गते,
छोरी जन्मेको खुसियालीमा धनुषाका एक परिवारले विपन्नहरूलाई न्यानो कपडा वितरण गरेका छन् ।
 

दोस्रो सन्तानको रुपमा छोरी पाएको खुसीमा बटेश्वर गाउँपालिका-१ चित्रपुरका मनोजकुमार महतो र रेखाकुमारीले सोमबार १७३ विपन्न परिवारलाई फाइवर सिरक वितरण गरेका हुन् ।
 

ने.क.पा एमालेका सचिव तथा पूर्वउपप्रधानमन्त्री रघुवीर महासेठ र एमाले मधेश प्रदेशका प्रमुख सचेतक हरिनारायण महतोको हातबाट न्यानो कपडा वितरणको उद्घाटन गरिएको थियो ।
 

छठिहारको अवसरमा जाडोबाट जोगिन बटेश्वर गाउँपालिकाका-१ भित्रका १७३ परिवारलाई न्यानो वितरण गरिएको महतोले बताए ।
 

छोरीप्रतिको दृष्टिकोण परिवर्तन गर्न नातिनी जन्मेको खुसीमा न्यानो वितरणसँगै साधुसन्तको भण्डारा (भोज) समेत आयोजन गरिएको हजुरबुबा रामचन्द्र महतोको भनाइ छ ।