रौतहट । आम जनता पार्टीका अध्यक्ष एवं सांसद प्रभु साहविरुद्ध रौतहट जिल्ला अदालतमा अवहेलना मुद्दा दर्ता भएको छ । रौतहटको बौधीमाई नगरपालिकाका मेयर प्रदीप यादवले साहविरुद्ध अदालतको अवहेलनामा कारवाही गर्न माग गर्दै रिट दर्ता गराएका हुन् ।

साहले केही दिनअघि आफ्नो फेसबुकमा  ‘रौतहट जिल्ला अदालतका नेताका झोले न्यायाधीश’ भनेर जिल्ला न्यायाधीशमाथि आरोप लगाएका थिए । यसबाट अदालतको अवहेलना भएको र न्यायाधीशको अपमान गरेको भन्दै मेयर यादवले मुद्दा दर्ता गरेका हुन् ।

साहविरुद्ध अदालत परिसरमा ज्यान मार्ने धम्की दिएको आरोप समेत छ । सांसद साह र मेयर यादवबीच विवाद भइरहेको छ । मेयर यादवमाथि आक्रमण तथा अभद्र व्यवहार गरेको आरोपमा साहका कार्यकर्ता गंगाराम बैठालाई पुर्पक्षका लागि थुना पठाउन न्यायाधीशले आदेश दिएका थिए ।

साहले फेसबुकमा लेखेका छन्– नेताहरूको झोले न्यायाधीशले रौतहट बदनाम एवं अस्तव्यस्त भयो । बेइमान एवं अयोग्य न्यायाधीशहरूलाई छानबिनको दायरमा ल्याउन म सम्माननीय प्रधान न्यायाधीशज्यूको विशेष ध्यानाकर्षण गराउँछु ।