काठमाडौँ, मंसिर २: स्थानीय तह उपनिर्वाचनका लागि कीर्तिपुर नगरपालिका वडा नम्बर १ मा स्वतन्त्र उम्मेदवार बिनाेद महर्जनले उम्मेदवारी दर्ता गरेका छन् ।  

निर्वाचन अधिकृत इन्दिरा कार्कीका अनुसार कीर्तिपुर नगरपालिका वडा नम्बर १ को वडाध्यक्षका लागि सबैभन्दा पहिले बिनाेद महर्जनले उम्मेदवारी दर्ता गराएका हुन् । कीर्तिपुरमा मेयरसँगै दुईजना वडा अध्यक्षकाे पनि निर्वाचन हुँदैछ ।

मंसिर १६ गते हुने स्थानीय तह उपनिर्वाचनका लागि आज मनोनयनपत्र दर्ता जारी छ । सोमबार बिहान १० देखि दिउँसो ३ बजेसम्म उम्मेदवारको विरोधमा उजुरी दिने, दिउँसो ३ बजेपछि मनोनयनपत्र र उजुरीमाथि जाँचबुझ एवं निर्णय गरी मंसिर ४ गते साँझ ५ देखि ६ बजेसम्म उम्मेदवारको नामावली प्रकाशन हुनेछ ।    

मंसिर ५ गते बिहान ९ देखि दिउँसो १ बजेसम्म उम्मेदवारले नाम फिर्ता लिनसक्ने छन् । सोही दिन दिउँसो १ देखि ३ बजेसम्म अन्तिम नामावली प्रकाशन गरी दिउँसो ३ देखि ५ बजेसम्म उम्मेदवारलाई निर्वाचन चिह्न प्रदान गरिने छ । मंसिर १६ गते बिहान ७ देखि साँझ ५ बजेसम्म मतदान हुनेछ ।