भिडियो
दक्षिण कोरियामा विमान दुर्घटनामा मृत्यु हुनेको संख्या ९४ पुग्यो
Mayorsap
आइत, पौष १४, २०८१ | १२:१३ बजे
सोल । दक्षिण कोरियामा भएको विमान दुर्घटनामा मर्नेको सङ्ख्या ९४ जना पुगेको छ । अहिलेसम्म उद्धारकर्मीहरूले ९४ जनाको शव फेला पारेको भन्दै त्यहाँको सरकारी समाचार संस्था योन्हापले समाचार छापेको छ । त्यहाँको राष्ट्रिय अग्नि विमागले एउटा विज्ञप्ति जारी गर्दै यस्तो बताएको समाचारमा भनिएको छ ।
आइतबार मुआन अन्तर्राष्ट्रिय विमानस्थलमा एउटा विमान अवतरणका क्रममा दुर्घटनामा परेको थियो । दुर्घटनाका कारण मुआन अन्तर्राष्ट्रिय विमानस्थलमा सबै उडान रोक्का गरिएको छ । यस दुर्घटनामा अहिलेसम्म २ जनाको जीवितै उद्धार गरिएको छ ।
दुघर्टनामा परेको विमान बोइङ ३७३–८०० को निर्माता कम्पनी बोइङले समवेदना जारी गरेको छ । विमानको मालिक कम्पनी जेजु एयरका हाकिमहरूले पनि दुघर्टनामा परेका पीडितहरूको परिवारसँग माफी मागेका छन् । अहिलेको लागि मृतकको परिवारलाई टेवा आफ्नो शीर्ष प्राथमिकता भएको कम्पनीका प्रमुख कार्यकारी अधिकारी किम इ–बेएले भनेका छन् ।
तपाईंको प्रतिक्रिया
