काठमाडौं । इन्टरनेशनल वुमेन्स च्याम्पियनसिपमा लेबनानविरुद्ध १–० को जित निकाल्दै नेपाल फाइनलमा पुगेको छ। बिहीबार दशरथ रंगशालामा भएको खेलमा लेवनानलाई पराजित गर्दै नेपालले एक खेल अगावै फाइनलमा यात्रा सुनिश्चित गरेको हो ।

खेलको ४२ औं मिनेटमा सावित्रा भण्डारी साम्बाले गरेको गोल नै निर्णायक बन्यो । कर्नर बल फर्किएको बललाई डिबक्स बाहिरबाट सावित्राले गोलमा परिणत गरेकी थिइन् । नेपालले अब उपाधिका लागि म्यानमारसँग खेल्नेछ । त्यसअघि नेपालले समूह चरणमा फागुन ११ गते म्यानमारसँग खेल्नेछ । उक्त खेलको विजेता टोली शीर्ष स्थानमा रहँदै फाइनल खेल्नेछ ।