झापा । दोस्रो संस्करणको भद्रपुर झापा गोल्डकपको दोस्रो सेमिफाइनल खेल आज हुँदैछ । दोस्रो सेमिफाइनलमा आज झापा- ११ र भुटानको डागा युनाइटेड फुटबल क्लबबीच प्रतिस्पर्धा हुँदैछ । खेल मेची रङ्गशालामा दिउँसो हुनेछ ।

प्रतियोगितामा झापा– ११ ले चर्च ब्बाइज युनाइटेडलाई पराजित गर्दै सेमिफाइनलमा स्थान सुरक्षित गरेको थियो भने विदेशी टोली डागा युनाइटेडले विभागीय टोली एपीएफलाई हराएको थियो । यस खेलको विजेता टोलीले आयोजक भद्रपुर ब्लेजर्ससँग फाइनल खेल खेल्नेछ । गोल्डकपमा नेपालीसहित भारत, भुटान र बङ्गलादेशका १० टिमको सहभागिता छ ।