काठमाडौं । नेपाल प्रहरीको ३१ औं महानिरीक्षक (आईजीपी) मा दिपक थापा नियुक्त भएका छन् । प्रधानमन्त्री निवास बालुवाटारमा बसेको मन्त्रिपरिषद् बैठकले थापालाई आईजी नियुक्त गर्ने निर्णय गरेको एक मन्त्रीले जानकारी दिए । 

हालका महानिरीक्षक वसन्तबहादुर कुँवर ३० वर्षे सेवा अवधि पूरा गरी आज रातिबाट अवकाशमा जाँदैछन् । त्यसअघि सरकारले थापालाई आईजीपीमा नियुक्त गरेको हो । प्रहरी प्रमुख बन्नका लागि थापासँगै एआईजी टेकबहादुर तामाङ र सुदीप गिरी प्रतिस्पर्धामा थिए ।  केन्द्रीय अनुसन्धान व्युरो (सीआईबी) प्रमुखका रुपमा कार्यरत एआईजी थापाले भोलि चैत ५ बाट कार्यभार सम्हाल्दैछन् ।उनी हाल केन्द्रीय अनुसन्धान ब्यूरो (सीआईबी) को प्रमुख छन् ।