काठमाडौं । राष्ट्रिय स्वतन्त्र पार्टी (रास्वपा) का सभापति एवं पूर्व गृहमन्त्री रवि लामिछाने आज कास्की जिल्ला अदालतमा उपस्थित हुँदैछन् ।  पोखराको सुर्यदर्शन बचत तथा ऋण सहकारी मुद्धाको दोस्रो तारेखका लागि उनी आइतबार अदालत उपस्थित हुन लागेका हुन् ।  
 

उनी जिल्ला अदालतमा हाजिर हुन काठमाडौंबाट पोखरा हिँडिसकेको रास्वपाले जनाएको छ । यसैगरी लामिछाने पोखरापछि रुपन्देही जाने भएका छन् । उनी तारेखमा हाजिर हुन सोमबार जिल्ला अदालत रुपन्देहीमा उपस्थित हुने बताइएको छ । यसअघि लामिछाने कास्की, रुपन्देही, काठमाडौं, चितवन जिल्ला अदालतबाट सहकारी ठगी र संगठित अपराध मुद्धामा धरौटी बुझाएर छुटेका थिए ।