काठमाडौं । स्वस्थ रहनका लागि राति राम्रो र गहिरो निन्द्राको आवश्यक पर्दछ । तर, आजको व्यस्त जीवनमा धेरै मानिसहरू ढिलो सुत्छन् । कोही कोही समयमै सुत्न जान्छन् तर धेरै घण्टासम्म ओल्टेकोल्टे र ओच्छयानमा नै यताउता घुमिरहन्छन् । राति निन्द्रा नपुगे दिनभरी शरीर आलस्य हुन्छ । धेरै पटक राम्ररी सुत्न नसक्दा गम्भीर रोग लाग्ने खतरा पनि हुन्छ । यसले मानसिक र शारीरिक दुवै रूपमा धेरै नराम्रो असर गर्छ।

यस्तो अवस्थामा तपाईंलाई पनि राति निन्द्रा लाग्दैन भने हामी तपाईँका लागि केही खानेकुराबारे बताउन गएका छौं, जुन तपाईंले सुत्नुअघि खान सक्नुहुन्छ । यी फलफूल खाँदा निन्द्रा राम्रो लाग्ने चिकित्सकहरू बताउँछन् । 

अश्वगन्धा 
सुत्नुअघि अश्वगन्धा सेवन गर्न सक्नुहुन्छ । यसले दिनभरका तनाव कम गर्छ र निद्रामा पनि सुधार गर्छ । यो पिउनाले शक्ति बढाउनुलगायत अन्य धेरै फाइदाहरू रहेका छन्। यसको सेवनले तनाव कम गर्छ, जसले गर्दा राम्रो निद्रा लाग्छ।

बदाम
राति बदाम खाँदा निद्राको गुणस्तरमा सुधार हुन्छ । यो खाँदा मस्तिष्क पनि तेजिलो हुन्छ । वास्तवमा यसमा म्याग्नेसियम हुन्छ, जसले शरीरलाई निकै आराम दिन्छ, जसले राम्रो निन्द्रा पुर्‍याउँछ। यो खाँदा पाचन क्रिया पनि राम्रो हुन्छ ।

डार्क चकलेट
राती डार्क चकलेट पनि खान सकिन्छ । तर, यसलाई सीमित मात्रामा खानुपर्छ । यसमा म्याग्नेसियम हुन्छ, जसले निद्रा लाग्न मद्दत गर्छ। यसले तनावलाई पनि कम गर्छ, जसले मुडलाई सुधार्छ।

केरा

यदि सुत्नु अघि पाकेको पहिलो केरा खानु भयो भने पनि निद्रामा मस्त हुन सकिन्छ । तर, सुत्नु अघि २०–३० मिनेट अघि केरा खानु पर्छ । जसले सेरोटोनिन र मेलाटोनिन जस्ता स्लिपिङ हार्मोन विकास गर्न मदत गर्छ ।