प्यालेस्टाइन स्वतन्त्र नभएसम्म ह*तियार नबिसाउने हमासको अडान
मेयरसाप डेस्क | २ घण्टा अगाडि 
काठमाडौं । गाजामा इजरायलसँगको युद्ध रोक्नका लागि अमेरिकी राष्ट्रपति डोनाल्ड ट्रम्पले राखेको युद्धविराम प्रस्ताव हमासले अस्वीकार गरेको छ ।
प्यालेस्टाइनलाई सम्प्रभु देशको मान्यता नदिएसम्म हतियार नबिसाउने हमासले स्पष्ट पारेको बीबीसीले जनाएको छ ।
इजरायलले युद्धविरामका लागि हमासले हतियार त्याग्नुपर्ने मुख्य सर्त राखेको थियो । दुवै पक्ष आ–आफ्नो अडानमा कायम रहेपछि पछिल्लो वार्ता पनि रोकिएको छ ।
यसअघि अरब राष्ट्रहरूले हमासलाई हतियार बिसाउन र गाजाको नियन्त्रण छोड्न अनुरोध गरेका थिए ।
केही पश्चिमी देशहरू, जसमा बेलायत पनि समावेश छ, ले यदि इजरायलले सेप्टेम्बरसम्म कुनै सर्त नमानेमा प्यालेस्टाइनलाई देशको रूपमा मान्यता दिने योजना बनाएका छन् ।
