रास्वपा केन्द्रीय सदस्य पाँडे धरौटीमा रिहा

मेयरसाप डेस्क

काठमाडौं । राष्ट्रिय स्वतन्त्र पार्टी (रास्वपा) का केन्द्रीय सदस्य एवं पूर्व राष्ट्रिय योजना आयोगका सदस्य डा. अरनिको पाँडे धरौटीमा रिहा भएका छन् ।

जिल्ला अदालत काठमाडौंका न्यायाधीश ध्रुवराज कार्कीको इजलासले उनलाई धरौटीमा छाड्न आदेश दिएको हो ।

पाँडेलाई एक महिलालाई सामाजिक सञ्जालमार्फत गालीगलौज गरेको आरोपमा बुधबार नेपाल प्रहरीको साइबर ब्युरोले पक्राउ गरेको थियो ।

उनलाई हिरासतमा राखेर अनुसन्धान गर्न अदालतले चार दिनको म्याद थप गरेको थियो ।

पाँडे २०७९ सालमा रास्वपामा प्रवेश गरेका थिए र रास्वपा सरकारमा रहँदा राष्ट्रिय योजना आयोगको सदस्य पनि बनेका थिए ।