काठमाडौं महानगर प्रहरी बलले मनायो ३३ औँ महानगर प्रहरी दिवस

मेयरसाप डेस्क

काठमाडौं।  काठमाडौं महानगर प्रहरी बलले ३३ औँ महानगर प्रहरी दिवस मनाएको छ । शनिवार राष्ट्रिय सभा गृहमा महानगरका प्रमुख बालेन साहसहित उपप्रमुख सुनिता डंगोल, प्रमुख प्रशासकीय अधिकृतलगायतको उपस्थितिमा महानगर प्रहरी दिवस मनाइएको हो । 

महानगर प्रहरी दिवसको उपलक्ष्यमा आर्थिक वर्ष ८१/८२ मा राम्रो कार्य सम्पादन गर्ने प्रहरीहरूलाई महानगर प्रहरी गौरव पुरस्कार, उत्कृष्ट महानगर प्रहरी पुरस्कार, महानगर प्रहरी पुरस्कार, ग्रेड वृद्धि लगायतका पुरस्कार प्रदान गरिएको महानगर प्रहरी बलका प्रमुख राजुनाथ पाण्डेले जानकारी दिए। 

काठमाडौँ महानगर प्रहरी बल महानगरपालिका घोषणा हुनु अघि २०५० साल भाद्र १४ गते नगर प्रहरी सेवाका रूपमा गठन भएको थियो ।