विश्वकप छनोटका लागि १५ सदस्यीय नेपाली टोली घोषणा
मेयरसाप डेस्क
|
२०८२ असोज १७ गते १७:४६
काठमाडौं । आईसीसी टी–२० विश्वकप २०२६ को एसिया तथा इस्ट एसिया पेसिफिक छनोट फाइनल खेलका लागि १५ सदस्यीय नेपाली क्रिकेट टोलीको घोषणा भएको छ ।
नेपाल क्रिकेट संघ (क्यान) का प्रवक्ता छुम्बी लामाले जारी गरेको विज्ञप्तिअनुसार, हाल वेस्ट इन्डिजसँगको शृंखला खेल्न यूएई गएको १६ सदस्यीय टोलीबाट साहब आलम बाहिरिएका छन् । तर उनलाई वैकल्पिक खेलाडीका रूपमा राखिएको छ ।
टी–२० विश्वकप छनोट आगामी अक्टोबर ८ देखि १७ सम्म ओमानमा हुँदैछ । समूह चरणमा नेपालले जापान र कुवेत सँग प्रतिस्पर्धा गर्नेछ ।
Facebook Comments