गोरखामा रास्वपा केन्द्रीय सदस्य परियारको गाडी तोडफोड
पार्किङ गरिएको गाडीमा मध्यरातमा आक्रमण
मेयरसाप डेस्क
|
२०८२ माघ २ गते ११:४०
गोरखा । राष्ट्रिय स्वतन्त्र पार्टी (रास्वपा) का केन्द्रीय सदस्य प्रकाशचन्द्र परियारको गाडी गोरखामा तोडफोड भएको छ ।
पार्टी कामको सिलसिलामा भीमसेनथापा गाउँपालिका–३ पुगेका परियारको गाडी बिहीबार राति पार्किङ गरिराखेको स्थानमा तोडफोड भएको हो ।
रास्वपा प्रवक्ता मनिष झाका अनुसार स्थानीय तहको भेलाका लागि त्यहाँ पुगेका नेता परियारको सवारीसाधनमाथि अज्ञात समूहले क्षति पुर्याएको हो ।
घटनाको जानकारी पाएलगत्तै अनुसन्धान र दोषीको पहिचानका लागि स्थानीय प्रहरीसँग सहयोग मागिएको प्रवक्ता झाले बताए ।
पार्किङस्थलमै भएको यस घटनालाई रास्वपाले राजनीतिक प्रतिशोध वा आपराधिक क्रियाकलापको रूपमा लिँदै गम्भीर ध्यानाकर्षण भएको जनाएको छ ।
Facebook Comments