दोलखामा मतपत्र लुटिएपछि दलका प्रतिनिधि प्रहरी निगरानीमा
मेयरसाप डेस्क
|
२०८२ फागुन २१ गते १२:०९
काठमाडौं । तामाकोशी गाउँपालिका-४ को मालु मतदान केन्द्रमा रोकिएको मतदान अझै सुरु हुन सकेको छैन । कर्मचारीमाथि हातपातको प्रयासभएपछि प्रहरीले हवाई फायर गरेको थियो ।
त्यसपछि रोकिएको मतदान अझै सुरु हुन नसकेको हो । सहायक प्रमुख जिल्ला अधिकारी औलाख बहादुर आलेले रोकिएको मतदान सुरू नभएको र छलफल जारी रहेको जानकारी दिए ।
‘बुथ एजेन्टहरूलाई सुरक्षित ठाउँमा राखिएको छ । मतपत्र लुटपाट हुन थालेपछि उहाँहरूलाई सुरक्षित स्थानमा लगिएको हो’ उनले भने । उनका अनुसार दलका केही प्रतिनिधिहरूले मतपत्र लुट्न खोजेपछि समस्या भएको थियो ।
Facebook Comments