राष्ट्रिय जनगणना–२०७८ अनुसार गुल्मीमा ६६ हजार १२५ घरधुरीमध्ये २२ हजार ३६९ घरधुरी ‘एक घर एक धारा’ सुविधा विहीन छन् । गुल्मीका १२ स्थानीय तहमा ४३ हजार ७५६ घरमा एक घर एक धारा सुविधा पुगेको छ भने बाँकी २२ हजार ३६९ घरधुरी पिउने पानीका लागि कुवा÷पँधेरो धाउने गरेका छन् ।

हिउँदको समयमा स्थानीयले गाडीबाट पानी ल्याउने बाध्यता भोगिरहेका छन् भने केही स्थानमा अझै पनि कुवा र पँधेरोबाट पानी ल्याउने गरिएको छ । कालीगण्डकी गाउँपालिकाका माथिल्लो बस्तीका बासिन्दाले हिउँदमा गाडीबाट पानी ल्याउने समस्या रहेको छ, जसलाई यस आर्थिक वर्षमा समाधान गर्ने योजना गरिएको छ ।

यस्तो छ नगरपालिका र गाउँपालिकाहरूको स्थितिः

• मुसीकोट नगरपालिकाः ७ हजार ९९ घरधुरीमध्ये ५ हजार ६४० घरधुरीमा एक घर एक धारा पुगेको छ । नगरप्रमुख जीवन खरेलका अनुसार, यस आर्थिक वर्षमा सबै घरधुरीमा धारामार्फत खानेपानी पु¥याइने योजना छ ।

• रेसुङ्गा नगरपालिकाः वडा नं १४, पराल्मीमा १५३ घरधुरी र वडा नं ५, भुवनपानीमा ३८० घरधुरीमा एक घर एक धारा जडान गरिएको छ ।

• धुर्कोट गाउँपालिकाः ५ हजार ३८२ घरधुरीमध्ये ४ हजार ८ सय घरधुरीमा एक घर एक धारा पुगेको छ । बाँकी घरधुरीमा आगामी आवभित्र एक घर एक धारा पु¥याउने लक्ष्य रहेको छ ।

• इस्मा गाउँपालिकाः ५ हजार घरधुरीमध्ये ३ हजार २४२ घरधुरीमा धारा पुगेको छ । बाँकी घरधुरीमा पनि एक घर एक धारा पु¥याउने प्रक्रियामा छ ।

• गुल्मीदरबार गाउँपालिकाः ५ हजार ५ सय घरधुरीमध्ये ३ हजार ४१२ घरधुरीमा एक घर एक धारा सुविधा पुगेको छ ।

• कालीगण्डकी गाउँपालिकाः ३ हजार ५ सय घरधुरीमध्ये २ हजार ३०८ घरधुरीमा एक घर एक धारा पुगेको छ । आगामी दुई वर्षमा सबै घरमा एक घर एक धारा पुग्ने योजना छ ।

• चन्द्रकोट गाउँपालिकाः ५ हजार १ सय घरधुरीमध्ये ४ हजार ८ सय १ घरधुरीमा एक घर एक धारा पुगेको छ ।

• सत्यवती गाउँपालिकाः ५ हजार १६९ घरधुरीमध्ये ४ हजार ५ सय ९४ घरधुरीमा एक घर एक धारा पुगेको छ ।

• मालिका गाउँपालिकाः ५ हजार घरधुरीमध्ये ३ हजार ५ सय घरधुरीमा एक घर एक
  
  धारा पुगेको छ ।

• रुरुक्षेत्र गाउँपालिकाः ४ हजार ५४२ घरधुरीमध्ये ३ हजार १६९ घरधुरीमा एक घर एक धारा पुगेको छ ।

• छत्रकोट गाउँपालिकाः ५ हजार ४ सय ६२ घरधुरीमध्ये ४ हजार २४० घरधुरीमा धारा पुगेको छ।

• मदाने गाउँपालिकाः ५ हजार २५३ घरधुरीमध्ये ३ हजार ५१७ घरधुरीमा धारा पुगेको छ ।