काठमाण्डौं 

असोज १० गते ,

काठमाडौं महानगरपालिका ले स्वर्णिम योजना अन्तर्गत साथी महानगर कार्यक्रम कार्यान्यवनमा ल्याएको छ ।

सामाजिक विकास विभागका सहायक निर्देशक रेखा उपाध्यय को अनुसार अपाङ्ग भएको व्यक्ति , जोखिम मा परेको बालबालिका , दलित विपन्न , जेष्ठ नागरिक, लैंगिक हिंसा पीडित  परेको व्यक्तिहरुको लागी उक्त कार्यक्रम कार्यान्वयनमा ल्याएको बताउनु भयो । साथै बाल शोषण,जोखिमको बेला चाहिने आकस्मिक सेवाका लागि काठमाडौं महानगरपालिका सधैं साथ दिने प्रतिबद्धता जनाउनु भयो ।

उक्त सूचना अनुसार आ. व. २०८१/०८२ मा काठमाडौं महानगरपालिकाले महानगरवासीको सुख दुःखमा साथ दिन लाई स्वर्णिम योजना अन्तर्गत साथी महानगर कार्यक्रम कार्यान्वयन ल्याएको छ । योजना अन्तर्गत अपाङ्गता भएका व्यक्ति , जोखिममा परेको बालबालिका, दलित विपन्न , वरिष्ठ जेष्ठ नागरिक, लैंगिक हिंसा पीडित परेका व्यक्तिलाई अति समस्या परेमा सहयोगको लागि महानगर सधैं तत्पर रहने छ ।

साथी महानगर कार्यविधि ,२०८१ मा उल्लेख भए बमोजिम कागजात सहित महानगरपालिकाको सामाजिक विकास विभागमा निवेदन दिन सहायक निर्देशक उपाध्ययले जानकारी दिनु भयो । साथै महानगर बाहेकको हकमा सम्बधित वडाको सिफारिश सहित कागजात सहित निवेदन आकस्मिक सेवामा जुन सुकै बेला पनि आकस्मिक नम्बर मा संपर्क गर्न अनुरोध गर्नु भएको छ । 

निवेदनको ढाँचा तथा प्रतिक्रिया दिइएको सूचनाको QR स्क्यान गरी प्राप्त गर्न सकिन्छ ।

विभागको सूचना यसै समाचारको साथ संकलन गरिएको छ ।