काठमाडौं

कार्तिक १४ गते,
नेपालगन्जदेखि दार्मा गाउँपालिकाको फारुला जाँदै गरेको यात्रुवाहक बसमा एक्कासी आगलागी भएको छ ।
सल्यानको बाग्चौर नगरपालिका–१ चोरखोला नजिकै पुगेपछि भे १ ख ३७५० नम्बरको फोर्स गाडीमा आगलागी भएको हो । २९ जना यात्रु रहेको बसमा आगलागी भएपछि यात्रुहरुको भागाभाग भएको थियो ।
थारमारेबाट प्रहरी टोली घटनास्थल गइसकेको छ । जिल्ला प्रहरी कार्यालय सल्यानका इन्स्पेक्टर रेसमबहादुर खत्रीका अनुसार तार सर्ट भएर आगलागी भएको हुनसक्ने अनुमान छ । गाडी जलेपछि यात्रुहरुका सबै सामग्री जलेर नष्ट भएको र थप जानकारी आउन बाँकी रहेको उनले वताए ।