काठमाडौं । मंसिर १६ गते हुने निर्वाचनमा कीर्तिपुरको मेयरका लागि नेपाली कांग्रेसको तर्फबाट कृष्णमान डंगोलले उम्मेदवारी दिएका छन् ।

डंगाेल कांग्रेस कीर्तिपुर नगरसमिति सभापति समेत हुन् । उम्मेदवारी दर्ता गर्न उम्मेदवारसँग महामन्त्री विश्वप्रकाश शर्मासहित सांसदहरू राजेन्द्र केसी, जीतजंग बस्नेतलगायतका नेताहरू समेत सहभागी भएका थिए ।

यस्तै कांग्रेसबाट १ नम्बर वडा अध्यक्षमा इच्छाकुमार महर्जन र ४ नम्बर वडा अध्यक्षमा राजेन्द्र बानियाँले उम्मेदवारी दिएका छन् ।

२०७९ को चुनावमा कांग्रेसका राजकुमार नकर्मी ९०४३ मत ल्याएर विजयी भएका थिए । उनको निधन भएपछि त्यहाँ उपनिर्वाचन हुने भएकाे हाे ।

२०७९ मा दोस्रो बनेका एमालेका उम्मेदावार केशरत्न बज्राचार्यले तत्कालीन समयमा ५५०७ मत पाएका थिए भने माओवादीका शिवशरण मर्हनले ४०९० मत ल्याएका थिए ।

कांग्रेसले मेयर र उपमेयरका साथै १० मध्ये ९ वटा वडाध्यक्ष पनि जितेको थियो । यसपटक पनि कांग्रेस मेयर र वडा अध्यक्ष पद आफ्नाे हातमा ल्याउने दाउमा रहेकाे छ ।