जाजरकोट । स्थानीय तह उपनिर्वाचनको मनोनयनका लागि नलगाड नगरपालिकाको उपप्रमुख पदमा ६ जनाले उम्मेदवारी दिएका छन् ।

उपप्रमुख पदमा नेपाली कांग्रेसबाट इन्द्रा चन्द सिंह, राप्रपा नेपालबाट सुनिता पुन रावल, एमालेबाट सुनिता बोहोरा, माओवादी केन्द्रबाट देवका लामिछाने, राष्ट्रिय स्वतन्त्र पार्टीबाट पार्वती पुन र नेपाल समाजवादी पार्टीबाट पविता जैसीले उम्मेदवारी दर्ता गराएका हुन् ।

नलगाड नगरपालिका प्रमुख पुरुष भएका कारण उपप्रमुखमा सबै राजनीतिक दलले महिला उम्मेदवार उठाउनु परेको हो ।