भिडियो
कीर्तिपुरको मेयरमा स्वतन्त्र उम्मेदवार मानवले दिए उम्मेदवारी
Mayorsap
आइत, मंसिर २, २०८१ | १४:०९ बजे
काठमाडौं, मंसिर २: मङ्सिर १६ गते हुने स्थानीय तह उपनिर्वाचनका लागि कीर्तिपुर नगरपालिकाको प्रमुख (मेयर) पदमा स्वतन्त्र उम्मेदवार राजमान महर्जन ‘मानव’ ले मनोनयन दर्ता गराएका छन् ।
उनले आज कीर्तिपुरस्थित निर्वाचन अधिकृतको कार्यालयमा गएर उम्मेदवारी दर्ता गराएका हुन् ।
सफाइ अभियन्ता तथा सामुदायिक कार्यकर्ताका रूपमा परिचय बनाएका मानव नेवा लहना रेस्टुरेन्टका अध्यक्ष एवं सञ्चालक हुन् ।
उनलाई कीर्तिपुरको मेयरमा प्रतिस्पर्धी उम्मेदवारका रुपमा हेरिएको छ ।
उनलाई धरानका मेयर हर्कराज साम्पाङ्गले निर्वाचन लड्दा हाैसला दिइरहेका छन् ।
तपाईंको प्रतिक्रिया
