भिडियो
सौतनी बुबाबाट बालबालिका असुरक्षित, काठमाडौँ महानगरद्वारा ३ बालबालिकाको उद्धार
सौतनी बुबालाई प्रहरी वृत्त वौद्धले पक्राउ गरी हिरासतमा राखेर अनुसन्धान गरेको छ ।
Mayorsap
बुध, मंसिर १९, २०८१ | १३:१६ बजे
काठमाडौँ । काठमाडौँ महानगरपालिकाले सौतनी बुबाबाट असुरक्षित भएका तीन बालबालिकाको उद्धार गरेको छ ।
घरमा सौतनी बुबाबाट बालबालिका असुरक्षित रहेको सूचना पाएपछि महानगरले उनीहरुको उद्धार गरेको हो ।
महानगरको बाल उद्धार कार्यदल,बालबालिका खोजतलास सेवा र बाल हेल्पलाइनसहितको संयुक्त टोलीले कक्षा ६ मा अध्ययनरत ११ वर्षीया बालिका र उनका ७ र ९ वर्षका भाइहरूको उद्धार गरेको हो ।
उद्धार गरिएका बालबालिकालाई अस्थायी संरक्षणमा राखिएको महानगरले जनाएको छ । साथै, बालबालिकामाथि हिंसा गरेको आरोपमा उनीहरुका सौतनी बुबालाई प्रहरीले पक्राउ गरेर अनुसन्धान थालेको छ ।
पक्राउ परेका सौतनी बुबालाई प्रहरी वृत्त वौद्धले पक्राउ गरी हिरासतमा राखेर अनुसन्धान गरेको छ ।
तपाईंको प्रतिक्रिया
