काठमाडौँ । पर्साको सखुवा प्रसौनी गाउँपालिकाले आज (पुस ७ गते आइबार) सार्वजनिक विदा दिएको छ ।

गाउँपालिकाले सार्वजनिक सुचना प्रकाशित गरी सार्वजनिक विदा दिएको जानकारी गराएको छ । पहिलो संस्करणको नेपाल प्रिमियर लिग (एनपिएल) जनकपुर बोल्ट्सले जितेपछ गाउँपालिकाले आइतबार विदा दिएको हो।

गाउँपालिका अध्यक्ष जसवन्त यादवले सूचना जारी गर्दै मधेस प्रदेशको प्रतिनिधित्व गर्दै जनकपुर बोल्ट्सले एनपिएल उपाधि जितेको ऐतिहासिक अवसरमा गाउँपालिकाभरि आइतबार बिदा दिइएको जानकारी दिएका छन् ।

शनिबार बसेको गाउँ कार्यपालिकाको बैठकले आइतबार सबै वडा कार्यालय, शैक्षिक संस्था, बैंक तथा वित्तीय संस्था, सबै स्वास्थ्य चौकीमा अति आवश्यक सेवाबाहेक आइतबार एक दिनको स्थानीय विदा दिने निर्णय गरेको थियो।

सोही निर्णयबमोजिम पालिकाभरि आइतबार स्थानीय बिदा दिइएको अध्यक्ष यादवले जानकारी दिएका छन्। शनिबार सुदूरपश्चिम रोयल्सलाई फाइनलमा पराजित गर्दै जनकपुरले एनपिएलको उपाधि जितेको थियो।