भिडियो
राप्रपाले २७ पुसमा चियापान आयोजना गर्दै, राज्यका सबै अंगका प्रमुखलाई निम्तो
Mayorsap
शुक्र, पौष २६, २०८१ | १३:४४ बजे
काठमाडौं । राष्ट्रिय प्रजातन्त्र पार्टीले भोलि (२७ पुस)मा गर्ने चियापानका लागि राज्यका सबै अंगका प्रमुखहरूलाई आमन्त्रण गरेको छ ।
राप्रपाले पृथ्वीनारायण शाहको ३०३ औं जन्मजयन्ती तथा राष्ट्रिय एकता दिवसको अवसर पारेर शनिबार चियापान गर्न लागेको हो ।
चियापान अघि शनिबार विहान १० बजे दरबारमार्गको महेन्द्रशालिकमा भेला भई सिंहदरबारको पश्चिम गेट नजिक रहेको पृथ्वी शाालिकसम्म राप्रपाले र्याली निकाल्ने भएको छ ।
‘दरबारमार्गबाट बिहान एकता र्याली पृथ्वी शालिक पुगेर माल्यार्पण गर्छौं । १ देखि ४ बजेसम्म भृकुटीमण्डपमा चियापान कार्यक्रम छ,’ राप्रपाका प्रवक्ता एवं प्रचार विभाग प्रमुख मोहन श्रेष्ठले भने ।
चियापानका लागि प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवालाई राप्रपा अध्यक्ष राजेन्द्र लिङ्देनले भेटेर निम्ता गरेका छन् ।
‘प्रधानमन्त्री, मन्त्रिपरिषद्का सदस्यहरू, प्रतिनिधि र राष्ट्रिय सभा अध्यक्ष, संवैधानिक निकाय र सुरक्षा निकायका प्रमुखहरू, विभिन्न पेशा व्यवसायका लब्ध प्रतिष्ठित व्यक्तिहरूलाई बोलाएका छौं,’ श्रेष्ठले भने ।
तपाईंको प्रतिक्रिया
सम्बन्धित खबर
