काठमाडौं। वरिष्ठ अधिवक्ता दिनेश त्रिपाठीमाथि कुटपिट गरेको आरोपमा थप एकजना पक्राउ परेका छन् । प्रहरीका अनुसार पक्राउ पर्नेमा हुम्लाको अदानचुली गाउँपालिका–४ घर भइ काठमाडौं सूर्यदर्शन हाइट बस्ने महानन्द जैसी भनिने महेन्द्र पाण्डे छन् । पक्राउ परेका पाण्डेविरुद्ध प्रहरी वृत्त सिंहदरबारबाट अनुसन्धान अघि बढाइएको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले बताए ।

प्रहरीले माघ २ गते त्रिपाठीमाथि जिल्ला अदालत काठमाडौंको गेट बाहिर भएको कुटपिटमा संलग्न रहेको आरोपमा यसअघि ललित केसी नाम गरेका व्यक्तिलाई पक्राउ गरेको थियो । पक्राउ परेकाहरुविरुद्ध ज्यान मार्ने उद्योगको कसुरमा अनुसन्धान अघि बढाएको छ ।