काठमाडौं । खानेपानी माग्दै काठमाडौं आएका धरान उपमहानगरपालिकाका मेयर हर्कराज साम्पाङले प्रधानमन्त्री केपी ओलीसँग भेट गर्न नपाएपछि प्रतिक्रिया दिएका छन् । साम्पाङले सामाजिक सञ्जालमा एउटा पोष्ट गर्दै उनले प्रधानमन्त्री ओलीले आफूसँग फेस गर्न नसकेको बताएका छन् । उनले भनेका छन्, ‘केपी ओलीले फेस गर्न सकेनन्, मलाई ।’

साम्पाङ मंगलबार दिउँसो प्रधानमन्त्रीलाई भेट्न सिंहदरबार पुगेका थिए । उनले खानेपानीमन्त्री र अर्थमन्त्रीलाई भेटेर धरानको पानीको समस्या र बजेट सुनिश्चितता गर्न आग्रह गरेका थिए । लगत्तै प्रधानमन्त्री ओलीलाई भेट्न भन्दै प्रधानमन्त्री तथा मन्त्रिपरिषद् कार्यालय पुगेका थिए । तर, उनले प्रधानमन्त्रीसँग भेट्न पाएनन् ।  उनी सोमबार रित्तो गाग्रो बोकेर काठमाडौं आएका थिए ।