सप्तरी । सप्तरीमा क्याम्पस जाँदै गरेकी १५ वर्षीया किशोरीलाई जबरजस्ती करणी गरेको अभियोगमा एकजना पक्राउ परेका छन् । पक्राउ पर्नेमा विष्णुपुर गाउँपालिका–१ घर भएका १९ वर्षीय युवक रहेका छन् । जिल्ला प्रहरी कार्यालय सप्तरीका डीएसपी जितेन्द्र कुमार बस्नेतका अनुसार ९ माघको बिहान पौने ६ बजेको समयमा किशोरीमाथि जबरजस्ती करणी भएको हो । पीडित किशोरीको बायाँ हात समेत भाँच्चिएको जनाएको छ ।  डीएसपी बस्नेतका अनुसार नियन्त्रणमा लिइएका युवकलाई जिल्ला अदालत सप्तरीबाट म्याद थप गरेर अनुसन्धान अघि बढाइएको छ ।