मकवानपुर । हेटौंडा उपमहानगरपालिका–३ स्थित बसामाडीबाट ११ किलो गाँजासहित एकजना पक्राउ परेका छन् । पक्राउ पर्नेमा मनहरी गाउँपालिका ३ हाडीखोलाका वर्ष ४४ को दिपक ओझा रहेका छन् । बुधबार पुर्व पश्चिम लोकमार्ग सडकखण्डमा सवारी साधनहरु चेकजाँच गर्ने क्रममा बा ४ ख ३९३५ नं. को यात्रुबाहक बसमा शंका लागी खानतलासी गर्दा निजले बोकेको कालो झोलाबाट ११ किलो ४२० ग्राम गाँजा फेला परेको प्रहरीले जनाएको छ । पक्राउ परेका ओझालाई लागुऔषध मुद्धामा म्याद थपको लागी आवश्यक कारवाही तथा अनुसन्धान भइरहेको मकवानपुर प्रहरीले जनाएको छ ।