आज अर्थ र विधायन व्यवस्थापन समितिको बैठक बस्दै
Mayorsap
मंगल, फागुन २०, २०८१ | ०७:११ बजे

काठमाडौं । अर्थ समिति र विधायन व्यवस्थापन समितिको बैठक आज बस्दै छ । प्रतिनिधिसभा अन्तर्गतको अर्थ समितिको बिहान ११ बजे बस्ने बैठकमा भन्सार सम्बन्धी कानूनलाई संशोधन र एकीकरण गर्न बनेको विधेयक उपर दफावार छलफलको कार्यसूची रहेको छ ।
त्यस्तै राष्ट्रियसभा अन्तर्गतको विधायन व्यवस्थापन समितिको दिउँसो १ बजे बस्ने बैठकमा पानीजहाज (सञ्चालन तथा व्यवस्थापन) विधेयक, २०८१ मा पानीजहाज कार्यालय सम्बद्ध पदाधिकारीसँग छलफल गर्ने कार्यसूची रहेको संसद सचिवालयले जानकारी दिएको छ ।