काठमाडौं । काठमाडौंको थापाथली चोकमा मेलम्चीको पाइप फुटेको छ । थापाथली चोकबाट नर्भीक इन्टरनेशनल अस्पताल आउने सडकमा पाइप फुटेको हो । बिहानै पाइप फुटेपछि उक्त क्षेत्रमा बाढी आएको छ भने सडकसमेत अवरुद्ध भएको छ । पाइप फुटेर पानी सडकमा बगेको भिडियो सामाजिक सञ्जालमा सार्वजनिक भएका छन्। पाइप फुट्नुको कारण पत्ता लागिसकेको छैन । यसअघि पनि बबरमहल क्षेत्रमा खानेपानीको मुख्य पाइप लाइन फुट्दा बाढी आएको थियो ।