ढुंगेअड्डामा पाँचपोखरी यातायातको बसमा आगलागी

Mayorsap | ४ हप्ता अगाडि

काठमाडौं । काठमाडौंको चन्द्रागिरी नगरपालिका, ढुंगेअड्डामा बसमा आगलागी भएको छ । ढुंगेअड्डा पिपलबोट नजिकै कलंकीबाट थानकोट जाँदै गरेको बा. प्र.०३–०१–००५ ख ९७८६ नम्बरको बसमा आगलागी भएको हो ।

जिल्ला प्रहरी परिसर काठमाडौंका अनुसार पाँचपोखरी यातायातको सार्वजनिक बसमा फाइबरमा तार सर्ट भएर आगलागी भएको हो । चन्द्रागिरी नगरपालिकाबाट दमकल बाेलाएर आगो निभाएको प्रहरीले जनाएको छ ।

बस जलेर पूर्ण रुपमा क्षति भएको छ । घटनामा मानवीय क्षति भने नभएको प्रहरीले जनाएको छ ।