प्रतिनिधि सभा बैठक बुधवार एक बजेसम्मका लागि स्थगित
मेयरसाप डेस्क | ३ घण्टा अगाडि 
काठमाडौं । प्रतिनिधिसभा बैठक बुधवार दिउँसो एक बजेसम्मका लागि स्थगित भएको छ ।
आज दिउँसो २ बजेका लागि बोलाइएको बैठक साढे ३ बजे सुरु भएको थियो । बैठक सुरु हुनासाथ विपक्षी दलहरुले अवरोध गरेपछि आधा घण्टाका लागि स्थगित भएको बैठक सूचना टाँसेर बुधवार दिउँसो एक बजेसम्मका लागि स्थगित गरिएको छ ।
भिजिट भिसा प्रकरणमा गृहमन्त्री रमेश लेखकको राजीनामा, छानबिनका लागि संसदीय छानबिन समिति वा न्यायिक आयोग बनाउनुपर्ने माग गर्दै विपक्षी दलहरुले निरन्तर बैठक अवरोध गर्दै आएका छन् ।
