छाउगोठमा सुतेका ७ वर्षीया बालिकासहित दुईको मृ*त्यु

User Image मेयरसाप डेस्क | ५ घण्टा अगाडि
Image of https://mayorsap.com/storage/photos/10/68b14a20e9af5.jpg

अछाम । अछाममा छाउगोठमा सुतेका दुई जनाको भीरबाट खसेको ढुङ्गाले किचेर मृत्यु भएको छ । उक्त घटनामा एक जना घाइते भएकी छन् ।

जिल्ला प्रहरी कार्यालयका प्रमुख ओमप्रकाश खनालका अनुसार, पञ्चदेवल विनायक नगरपालिका–८, सेलापानीस्थित चुरखोली टोलकी निम खनाल (३५) र मङ्गलसेन नगरपालिका–६ का गोरे भण्डारीकी छोरी कविता भण्डारी (७) को आज बिहान घटनास्थलमै मृत्यु भएको हो ।

यसैगरी, कविताकी आमा घाइते भएकी छन्, जसलाई उपचारका लागि स्थानीय स्वास्थ्यचौकी पठाइएको छ । घटनाको थप अनुसन्धान गर्न प्रहरी निरीक्षक टेकबहादुर देउवाको नेतृत्वमा प्रहरी टोली घटनास्थलतर्फ प्रस्थान गरेको छ ।


Facebook Comments