सुनको मूल्यमा नयाँ कीर्तिमान, प्रतितोला २ लाख बढी
मेयरसाप डेस्क
|
३ घण्टा अगाडि
काठमाडौं । नेपालमा आज सुनको मूल्यले नयाँ कीर्तिमान कायम गरेको छ । बिहीबारको तुलनामा सुनको मूल्य प्रतितोला १,२०० रुपैयाँले बढेर २ लाख ६०० रुपैयाँमा पुगेको हो ।
नेपाल सुनचाँदी व्यवसायी महासङ्घका अनुसार, आज चाँदीको मूल्यमा पनि सामान्य वृद्धि भएको छ । चाँदी प्रतितोला ५ रुपैयाँले बढेर २,३६० रुपैयाँमा कारोबार भइरहेको छ ।
बिहीबार सुन प्रतितोला १ लाख ९९ हजार ४०० रुपैयाँमा र चाँदी प्रतितोला २ हजार ३५५ रुपैयाँमा खरिदबिक्री भएको थियो ।
अन्तर्राष्ट्रिय बजारमा आज प्रतिऔँस सुन ३ हजार ४०८ अमेरिकी डलरमा कारोबार भइरहेको जनाइएको छ ।
Facebook Comments