प्रधानमन्त्री ओलीको चीन भ्रमण स्वीकृत

मेयरसाप डेस्क

काठमाडौं । प्रधानमन्त्री केपी शर्मा ओलीको चीन भ्रमणलाई मन्त्रिपरिषद्ले स्वीकृति दिएको छ । भोलि, भदौ १४ गतेबाट १८ गतेसम्मका लागि प्रधानमन्त्री ओलीसहितको टोली चीन भ्रमणमा जाँदैछ ।

चिनियाँ राष्ट्रपति सी चिनफिङको निमन्त्रणामा हुने यो भ्रमणका क्रममा ओलीले चीनको उत्तरी सहर तियान्जिनमा आयोजना हुने साङ्घाई सहयोग सङ्गठन (एससीओ) शिखर सम्मेलनमा भाग लिनेछन् ।

सम्मेलनमा भारतीय प्रधानमन्त्री नरेन्द्र मोदी लगायत अन्य राष्ट्र तथा सरकार प्रमुखहरू पनि सहभागी हुनेछन् ।

प्रधानमन्त्री ओलीले एससीओ प्लस शिखर सम्मेलनलाई सम्बोधन गर्नुका साथै चिनियाँ राष्ट्रपति सी र उपराष्ट्रपति हान झेङ लगायत अन्य देशका नेताहरूसँग पनि भेटवार्ता गर्ने कार्यक्रम रहेको छ ।

यो भ्रमण टोलीमा शिक्षामन्त्री रघुजी पन्त, पर्यटनमन्त्री बद्रीप्रसाद पाण्डे र कांग्रेस उपसभापति पूर्णबहादुर खड्का समेत रहेका छन् ।