एमाले विधान महाधिवेशनको तयारी तीव्र, जिम्मेवारी पूरा गर्न आग्रह

मेयरसाप डेस्क

काठमाडौं । नेपाल कम्युनिष्ट पार्टी (एमाले) को दोस्रो विधान महाधिवेशनको तयारीलाई तीव्र पारिएको छ ।

आज पार्टी कार्यालय च्यासलमा बसेको केन्द्रीय जनसङ्गठन समन्वय संयन्त्रको बैठकले महाधिवेशनलाई सफल बनाउन जनसङ्गठनका अध्यक्ष र इन्चार्जहरूलाई सक्रियताका साथ जिम्मेवारी पूरा गर्न आग्रह गरेको छ ।

संयन्त्रका संयोजक भानुभक्त ढकालले महाधिवेशनलाई भव्य, सभ्य र उपलब्धिमूलक बनाउन सबैको साथ सहयोग आवश्यक रहेको बताए । 

बैठकमा सङ्गठनात्मक तयारी, प्रचारप्रसार, ‘मिडिया सेन्टर’ स्थापना र स्वयंसेवक व्यवस्थापन लगायतका विषयमा विस्तृत छलफल भएको ढकालले जानकारी दिए ।

एमालेको विधान महाधिवेशन भदौ २० देखि २२ गतेसम्म ललितपुरको गोदावरीस्थित सनराइज सम्मेलन केन्द्रमा हुँदैछ । 

महाधिवेशनको मूल नारा ‘निर्णायक राष्ट्रिय शक्ति निर्माण हाम्रो सङ्कल्प, समृद्ध नेपाल सुखी नेपाली राष्ट्रिय गन्तव्य’ रहेको छ ।