धनुषाको झण्डाचोकमा दुई समुदायबीच झडप, प्रहरीद्वारा चार सेल अश्रु ग्यास प्रहार

धनुषा । धनुषाको जनकपुरधाम उपमहानगरपालिका वडा नम्बर २० झण्डाचोकमा हिन्दू समुदाय र मुस्लिम समुदायबीच झडप भएको छ । गणेश पूजाको मूर्ति विसर्जनका लागि मुस्लिम बस्तीबाट लैजाने क्रममा दुई समुदायबीच विवाद उत्पन्न हुँदा झडप भएको हो ।
दुवै पक्षबीच ढुङ्गा मुढा प्रहार भएको धनुषाका प्रहरीले जनाएको छ । झडप नियन्त्रणमा लिन प्रहरीले चार सेल अश्रु ग्यास प्रहार गरेको छ।
अहिले झण्डाचोकको अवस्था तनावग्रस्त छ । नेपाल प्रहरी र सशस्त्र प्रहरी बाक्लो मात्रामा परिचालन गरिएको छ ।
Facebook Comments