चीनका राष्ट्रपति भेटेपछि प्रधानमन्त्री ओली लेख्छन्–सी सँग भेटेर फलदायी वार्ता गर्न पाउँदा खुसी छु


काठमाडौं । प्रधानमन्त्री केपी शर्मा ओलीले चिनियाँ राष्ट्रपति सी चिनफिङसँग पछिल्ला दुई वर्षमा लगातार दोस्रो भेट भएकोमा खुशी लागेको बताएका छन् ।
शांघाई सहयोग संगठन (एससीओ) सम्मेलनमा सहभागी हुन चीन भ्रमणमा रहेका प्रधानमन्त्री ओलीले आज राष्ट्रपति सी सँगको भेट फलदासी भएको बताएका हुन् ।
प्रधानमन्त्री ओलीले सी सँगको भेटपछि सामाजिक सञ्जालमार्फत नेपाल–चीनबीचको द्विपक्षीय सहयोग र सहकार्य प्रगतिको समिक्षा गरेको जानकारी गराए । उनले द्विपक्षीय सहकार्य अझ प्रगाढ बनाउन सहमति जनाएको समेत उल्लेख गरेका छन् ।
उनले भनेका छन्, ‘दुई वर्षमा लगातार दोस्रो पटक राष्ट्रपति सी सँग भेटेर फलदायी द्विपक्षीय वार्ता गर्न पाउँदा खुसी लागेको छ । हामीले विभिन्न विषयमा भएको प्रगतिलाई समीक्षा गर्यौं र द्विपक्षीय सहकार्य अझ प्रगाढ बनाउन सहमति जनायौं ।’
प्रधानमन्त्री ओलीले राष्ट्रपति सीलाई एससीओ प्लस शिखर सम्मेलनमा निम्त्याएकोमा पनि धन्यवाद दिएका छन् ।
एससीओ सम्मेलन उत्तरीको चीनको तियान्जिनमा भोलि सुरु हुँदैछ ।
Facebook Comments