मन्त्री घिसिङ र अर्याल पहिरो प्रभावित क्षेत्रको अवलोकन गर्न इलाम जाने कार्यक्रम स्थगित
मेयरसाप डेस्क
|
३ घण्टा अगाडि
काठमाडौं । मन्त्रीद्वय कुलमान घिसिङ र ओम प्रकाश अर्याल आज इलाम जाने भनिएको कार्यक्रम स्थगित भएको छ ।
पहिरो प्रभावित क्षेत्रको अवलोकन गर्न आज ११ बजे इलाम जाने मन्त्रीद्वय घिसिङ र अर्यालको कार्यक्रम स्थगित भएको हो ।
काठमाडौंबाट नियमित उडानको हवाईजहाजमा झापाको भद्रपुरसम्म जाने र भद्रपुरबाट इलामसम्म हेलिकप्टरबाट जाने कार्यक्रम तय भएको थियो ।
११ बजेभन्दा अगाडिको टिकट पाएमा अगाडि नै जाने भन्ने समेत तयारी थियो । तर टिकट नपाएपछि आज इलाम जाने कार्यक्रम क्यान्सिल भएको गृहमन्त्रालय स्रोतले जनाएको छ । राहत सामग्री समेत बोकेर छिट्टै इलाम जाने कार्यक्रम बनाउने मन्त्रालयले जनाएको छ ।
Facebook Comments