वीरगञ्ज महानगरले ४ महिनामा उठायो २१ करोड राजस्व
सम्पत्ति कर शीर्ष स्थानमा
मेयरसाप डेस्क
|
२०८२ मंसिर ११ गते २३:१९
वीरगञ्ज । वीरगञ्ज महानगरले चालु आर्थिक वर्षको चार महिनामा २१ करोड तीन लाख ९६ हजार ४०८ रकम राजस्व सङ्कलन गरेको छ । महानगरले सो अवधिमा सम्पत्ति करतर्फ सात करोड ५६ लाख रकम सङ्कलन गरेको हो ।
वीरगञ्ज महानगरका प्रमुख राजेशमान सिंहले महानगरले राजस्व बढाउनेतर्फ जनचेतना अभिवृद्धि गर्दै आइरहेको दाबी गरे ।
‘महानगरको राजस्व अभिवृद्धि गर्नका लागि जनचेतनामुलुक कार्यक्रम गर्दै आइरहेका छौँ । यद्यपी अहिले पनि अपेक्षाकृत ढङ्गले राजस्व भने सङ्कलन हुन सकिरहेको छैन, उनले भने, ‘यहाँका जनतामा स्थानीय सरकारलाई कर तिर्नुपर्छ भन्ने जागरणको अभावको कारणले पनि समस्या भइरहेको छ ।’
महानगरले चालु आवको चार महिनामा भूमिगत÷मालपोत करतर्फ ३७ लाख ६७ हजार ९८० राजस्व सङ्कलन गरेको छ । त्यस्तै घरवहाल करतर्फ भने एक करोड ६० लाख ८६ हजार रकम उठाएको छ ।
त्यस्तै पूर्वाधार सेवाको उपयोगमा लाग्ने करतर्फ भने दुई करोड राजस्व सङ्कलन गरेको छ । अखेटोपहारमा लाग्ने करतर्फ भने पाँच करोड १० लाख राजस्व सङ्कलन गरेको छ ।
अन्य सेवा शुल्कतर्फ भने एक करोड ४९ लाख ८३ हजार राजस्व सङ्कलन गरेको छ । महानगरले विभिन्न २० शीर्षकमा कर उठाउने गर्छ ।
Facebook Comments