सातवटा बस एकआपसमा ठोक्किएर आगलागी, चार जनाको मृ*त्यु
मेयरसाप डेस्क
|
२०८२ पुष १ गते १८:२५
एजेन्सी । उत्तरी भारतको एक्सप्रेसवेमा मङ्गलबार बाक्लो कुहिरोको बीचमा सातवटा बसहरू एकअर्कासँग ठोक्किएर आगलागी भएको छ । दुर्घटनामा कम्तिमा चार जनाको मृत्यु हुनुका साथै ५० जना भन्दा बढी घाइते भएको स्थानीय प्रहरीलाई उदृत गर्दै सिन्हुवाले जनाएको छ ।
मथुरा जिल्लाको दिल्ली–आगरा एक्सप्रेसवेमा बसहरु एकआपसमा ठोक्किँदा दुर्घटना भएको प्रहरीले जनाएको छ । घाइतेलाई उपचारका लागि स्थानीय अस्पतालमा भर्ना गरिएको प्रहरीले जनाएको छ । सामाजिक सञ्जालमा राखिएको भिडियो फुटेजमा गाडीबाट ठूलो आगो निस्किएको देखाइएको छ ।
घाइतेमध्ये केहीको अवस्था गम्भीर रहेकाले मृतकको सङ्ख्या बढ्ने सम्भावना रहेको समेत प्रहरीले जनाएको छ ।
Facebook Comments