एक हजार क्षमताको ‘होल्डिङ सेन्टर’ ३ वर्षदेखि प्रयोगविहीन
संरचना जीर्ण बन्दै
मेयरसाप डेस्क
|
२०८२ पुष ९ गते १६:३४
धनगढी । कोरोना महामारीका बेला सङ्क्रमित राख्न कैलालीको धनगढीमा निर्माण गरिएको एक हजार क्षमताको ‘होल्डिङ सेन्टर’ तीन वर्षदेखि प्रयोगविहीन बनेको छ ।
संघीय सरकारको २८ करोड ८१ लाख रुपैयाँ लागतमा निर्मित यो संरचना स्वामित्व हस्तान्तरण र सञ्चालन मोडेल नटुङ्गिँदा जीर्ण बन्दै गएको हो ।
नेपाली सेनाले २०७९ साउनमा निर्माण सम्पन्न गरेको यस केन्द्रमा ५९ ब्लक, २० क्वारेन्टिन कक्ष र १५ भान्साकोठासहितका सुविधा छन् । हाल यसको रेखदेख सेनाले नै गरिरहेको छ ।
जिल्ला प्रशासन कार्यालय कैलालीका अनुसार रक्षा मन्त्रालयबाट स्वामित्व र सञ्चालनबारे कुनै स्पष्ट निर्णय नआउँदा यति ठुलो लगानी बालुवामा पानी जस्तै भएको छ ।
Facebook Comments