पार्टी फुट्न दिन्नँ, मिलेर जाऔँ : सभापति देउवा
मेयरसाप डेस्क
|
२०८२ पुष १८ गते १३:१८
काठमाडौं । नेपाली कांग्रेसभित्र महाधिवेशनको विवाद चर्किएपछि सभापति शेरबहादुर देउवाले पार्टी विभाजन हुन नदिने प्रतिवद्धता जनाएका छन् ।
शुक्रबार आफ्नै निवास महाराजगन्जमा २५ जना केन्द्रीय सदस्यहरूसँगको भेटमा देउवाले मिलेर अगाडि बढ्ने वातावरण बनाउन आग्रह गरेका हुन् ।
महामन्त्रीद्वय गगन थापा र विश्वप्रकाश शर्माले नियमित महाधिवेशन स्थगित गरी विशेष महाधिवेशनको तयारी गरेपछि कांग्रेसमा आन्तरिक कलह बढेको हो ।
भेटमा सहभागी नेताहरूले विशेष महाधिवेशनले पार्टी फुट्ने खतरा रहेको भन्दै क्रियाशील सदस्यता टुङ्ग्याएर वडा तहबाटै नियमित अधिवेशन सुरु गर्न सभापतिलाई सुझाव दिएका छन् ।
पार्टीभित्रको यो विवाद समाधानका लागि शुक्रबार दिउँसो ३ बजे कार्यसम्पादन समितिको बैठक बोलाइएको छ ।
यसअघि महामन्त्रीद्वयले पुस २७ गतेका लागि विशेष महाधिवेशन घोषणाको तयारी गरेपछि संस्थापन पक्ष सशंकित बनेको थियो ।
Facebook Comments