रास्वपाले सच्यायो समानुपातिकको बन्दसूची
उज्यालो नेपालसँगको एकता भंग
मेयरसाप डेस्क
|
२०८२ पुष २७ गते १२:४५
काठमाडौं । राष्ट्रिय स्वतन्त्र पार्टीले आगामी प्रतिनिधिसभा निर्वाचनका लागि निर्वाचन आयोगमा बुझाइएको समानुपातिकतर्फको बन्दसूची अध्यावधिक गरेको छ ।
उज्यालो नेपाल पार्टीसँगको एकता शनिबार साँझ औपचारिक रूपमा भंग भएपछि रास्वपाले आज आइतबार आयोग पुगेर आफ्नो सूची सच्याएको हो ।
यसअघि दुई दलबीच एकता गर्ने सहमति भएपछि समानुपातिकतर्फ साझा उम्मेदवारहरूको सूची बुझाइएको थियो । तर, एकता प्रक्रिया टुङ्गिएसँगै रास्वपाले आफ्नो एकल सूची कायम गरेको छ ।
एकता भंग लगत्तै कुलमान घिसिङ उज्यालो नेपाल पार्टीको अध्यक्ष बनेका छन् । पार्टीहरूबीचको यो पछिल्लो समीकरण फेरबदलका कारण आगामी फागुन २१ गते हुने निर्वाचनमा उज्यालो नेपाल पार्टीको समानुपातिकतर्फ कुनै पनि उम्मेदवार नहुने भएका छन् ।
रास्वपाले भने निर्वाचनको तयारीलाई तीव्रता दिँदै आफ्ना उम्मेदवारहरूको अन्तिम नामावली अद्यावधिक गरेको छ ।
Facebook Comments