बाराको परवानीपुरमा एकै घरका २ जनाको ह-त्या, २ गम्भीर घाइते
मेयरसाप डेस्क
|
२०८२ माघ १४ गते ०८:३२
काठमाडौं । बाराको परवानीपुरमा धारिलो हतियार प्रहार गरेर आमाछोराको हत्या भएको छ। घटनामा ससुराबुहारी गम्भीर घाइते भएका छन्। परवानीपुर गाउँपालिका–१ रहरीया टोलमा गएराति अज्ञात व्यक्तिको आक्रमणबाट ५२ वर्षीया सुमित्रा देवी र उनका छोरा ३२ वर्षीय रामेश्वर मण्डलको हत्या भएको जिल्ला प्रहरी कार्यालय बाराले जनाएको छ।
आक्रमणमा परेर मृतक महिलाका पति जगरुप मण्डल र बुहारी २८ वर्षीय मनिता देवी गम्भीर घाइते भएका छन्। उनीहरूको वीरगन्जस्थित एलएस न्यूरो अस्पतालमा उपचार भइरहेको छ।
बारा प्रहरीका अनुसार राति करिब ३ बजे तिर एकजना व्यक्ति घरभित्र पसेर धारिलो हतियार प्रहार गरी अन्धाधुन्ध प्रहार गरेर ज्यान लिएको हो । आक्रमणकारीको खोजी र घटनाबारे थप अनुसन्धान भइरहेको प्रहरीले जनाएको छ ।
Facebook Comments