चार्टर्ड विमान दुर्घटना अपडेटः महाराष्ट्रका उपमुख्यमन्त्री अजित पवारको निधन
दुर्घटनामा पवारसहित पाँच जनाको मृत्यु
मेयरसाप डेस्क
|
२०८२ माघ १४ गते ११:०१
एजेन्सी। विमान दुर्घटनामा परेर महाराष्ट्रका उपमुख्यमन्त्री तथा राष्ट्रवादी कांग्रेस पार्टी (एनसीपी) का अध्यक्ष अजित पवारको निधन भएको छ । बुधबार बिहान ८ः४५ बजे मुम्बईबाट महाराष्ट्रको बारामती जाँदै गरेको चार्टर्ड विमान दुर्घटना हुँदा ६६ वर्षीय पवारको निधन भएको हो ।
प्रारम्भिक जानकारी अनुसार बारामती विमानस्थलमा अवतरण गर्ने क्रममा दुर्घटना भएको हो। विमानमा अजित पवारका निजी सहायक, सुरक्षाकर्मी र उडान परिचारिकासहित पाँच जनाको मृत्यु भएको छ।
अजित पवार महाराष्ट्र पञ्चायत चुनावको लागि चार र्यालीहरूलाई सम्बोधन गर्न बारामती जाँदै थिए। विमान अवतरणको क्रममा धावनमार्गबाट चिप्लिएर दुर्घटना भएकाे बताइएकाे छ।
Facebook Comments