सिरहामा गोली हानी एक युवकको ह*त्या
मुकेशकुमार यादव
|
२०८२ माघ १६ गते १७:१०
सिरहा । सिरहा नगरपालिका–७ स्थित शिव चोक नजिकैको आँपघारीमा आज अपराह्न एक युवकको गोली हानी हत्या गरिएको छ ।
अज्ञात समूहको गोली प्रहारबाट सिरहा नगरपालिका–१ महावीर चोक निवासी ४० वर्षीय प्रेमनाथ यादवको मृत्यु भएको हो ।
जिल्ला प्रहरी कार्यालय सिरहाका अनुसार, शिव चोकदेखि करिब ५ सय मिटर उत्तरमा रहेको आँपघारीमा दिउँसो ४ बजेतिर यादवमाथि गोली प्रहार भएको थियो ।
घटनाको जानकारी पाउनेबित्तिकै प्रहरी टोली घटनास्थल पुगेर अनुसन्धान सुरु गरिसकेको छ । हत्यामा संलग्नको खोजी भइरहेको प्रहरीले जनाएको छ ।
Facebook Comments