सूर्यकुण्ड हाईड्रोको आईपीओ आजदेखि खुला
मेयरसाप डेस्क
|
२०८२ माघ १८ गते १०:२१
काठमाडौं । सूर्यकुण्ड हाईड्रो इलेक्ट्रिक लिमिटेडले आजदेखि आम सर्वसाधारणका लागि प्राथमिक शेयर (आईपीओ) निष्कासन गरेको छ । कम्पनीले दोस्रो चरणअन्तर्गत कुल ५ लाख ७२ हजार ४३१ कित्ता साधारण शेयर बिक्रीमा ल्याएको हो ।
निष्कासित शेयरमध्ये ३४ हजार ४८४ कित्ता सामूहिक लगानी कोष र १३ हजार ७९३ कित्ता कर्मचारीहरूका लागि सुरक्षित गरिएको छ ।
बाँकी रहेको शेयरमा सर्वसाधारण लगानीकर्ताले आवेदन दिन सक्नेछन् । लगानीकर्ताले न्यूनतम १० कित्तादेखि अधिकतम ५० हजार कित्तासम्मका लागि आवेदन दिन पाउने व्यवस्था छ ।
यो आईपीओ छिटोमा माघ २१ गते र ढिलोमा फागुन ३ गतेसम्म खुला रहनेछ । लगानीकर्ताले सि–आस्बा प्राप्त बैंक तथा वित्तीय संस्था वा ‘मेरो शेयर’ एपमार्फत अनलाइन आवेदन दिन सक्नेछन् । कम्पनीको शेयर बिक्री प्रबन्धकमा कुमारी क्यापिटल लिमिटेड रहेको छ ।
Facebook Comments