अशक्तलाई घरमै पुगेर नागरिकता प्रदान
मेयरसाप डेस्क
|
२०८२ माघ १८ गते ११:००
सङ्खुवासभा । सङ्खुवासभाको पाँचखपन नगरपालिका–३ सिवुवाकी ४३ वर्षीया चन्द्रकुमारी बानियाँले घरमै बसेर नेपाली नागरिकताको प्रमाणपत्र प्राप्त गरेकी छन् ।
स्वास्थ्यका कारण जिल्ला प्रशासन कार्यालयसम्म पुग्न नसक्ने अति अशक्त बानियाँलाई शनिबार प्रमुख जिल्ला अधिकारी (प्रजिअ) सिर्जना थपलियाले घरमै पुगेर नागरिकता प्रदान गरेका हुन् ।
प्रजिअ थपलियाले अशक्त नागरिकलाई घरदैलोमै सेवा दिने सरकारको नीतिअनुसार यस्तो काम गरिएको बताए । बानियाँले पुस १९ गते आवश्यक कागजातसहित निवेदन दिएकी थिइन् ।
Facebook Comments